..©~®§][©][ ريم أنــــــا اوعدك اني لك حيـــاة وممـــات .. اوعدك ..][©][§®~©

[c].
بأول ايام العمــر التقيت فيهـا
من يوم ماشفتـها قلبي اهديته لهـا
كنت اقرى واشوف عبارات وامثال عربيه
عن الحب والرومنسيه
الحب من اول نظره
وكنت اضحك واضحك لاسمعتها
واقول في داخلي
معقول حب ويدوم سنين ويكون من اول نظره
من العين...
احكي لكم روايتي مع بنتٍ اخذت روحـي معها
في يوم من ايام العمـــــــــر
نادانــي الوالد من داخـل الدار
وصلت عندهـ ولحد باب مجلسـه
قلت له .. سم يابو محمد
قال : سم الله عدوك ياولدي
محمد انت كبـرت واصبحت تفهم الحـال
وتفهم كلامــي اللي بقولـه لك..
ياولدي لاتقاطعني واتركني انهي حديثي
وارجوك لاتلومني على شي فات ..
أنــا من كلام الوالد خفت وتوقف الدم بعروقي
رفعت له نظري وقلت له : لبيك يابوي .. اسمعك
الوالد: انت لك عم وانا مقـاطعه من سنين بسبب
مشاكل دارت بيني وبينه..
وانا احس أن ايامي بدت تودعنــــي .. أن نبضاتي في يوم بتعلن رحيلي
حاولت انطق واقول يالله يومي قبل يومك.. رفع يدهـ
وقال ارجوك لاتنطقهـا لو اهديك ثواني عمري الباقي ولااشوفك قبلي..
الدمع مني نزل وانا بعمري مابكيت..
قلت له يبه .. آمرني باللي تبيـه..
قال .. ابي اشوف اخوي ..عمك,,قبل مماتي
قلت .. غالي والطلب رخيص..
واتفقنـــا على اننـــا في يوم نسـافر لديـار عمـي المجهول..
وصلنـــا للخبــــــــــر .. مكـان مايسكن بديت اتبع وصف ابوي ,, وانا متعجب من وين يعرف عنوانه
فضولي زاد وسـألته..
جاوبني وقال.. اخبـاره اتابعها يوم بيوم ولانسيته دايم الدوم..
قال ابوي: هنـــا وقف يامحمد
قلت هنـــااا!!! انا قدام قصـــر كبيـــر
وصلني الرد ..عمك تـاجـــر ومعروف ..
دقينـا البـاب اقصـد بوابـة القصــــــر العظيم
بعد ثواني كنـــا في داخــل بهـــو واســـع .. باين أن مجلس عمـي لرجاله ..
جلس ابوي وانا المح بعيونه نظرات الخوف والتردد
انتظرنـا ووصل السيــــــــــد وصاحب القصـر
وبعد الترحيب والتحيـه
لاحظت عمي يكلم ابوي في برود
سأله عني .. قال ابوي هذا ولدي محمد ... اخبـــار بنتك ياخوي ..؟؟
تعجب عمي وقال ومن وين تعرف أن عندي بنت..
رد عليه بنفس الجواب القديم ..
مرت دقايق يتحاورون ويتكلمون
وشوي شوي الصوت تجـاوز جدران البهو الوسيـع
ابوي كان هادي لكن عمي كان غاضب .. ويتوعد
نطق بكلمـه وقال .. لايمكن انسـى اللي سويته فيني
قال ابوي .. هذا شي قديم مضى ماله معنى
وانا ياخوي احس مماتي قريب
لاتحرمني منك باقي عمري
حاولت اتكلم نظره من ابوي ...تركتني اتراجع عن قراري
وبصوت حاد وبقسـوة قلب نطق عمي وقال
اطلـــع برى هالقصـــــــر انت وولدك ولاتحلم اني اغفر لك
ترجيت الوالد وقلت مكان انهنت فيه يابو محمد مانجلس به ثواني
وبلا موعـــد مع القدر
حوريـه او ملاك ..
دخلت المجلس وبجنون .. ودمعها على الخد يسري
وصوت نوحها يسمعه القاصي قبل الداني
وارتمت بحضن ابوي .. وبكت ..
وقالت عمـــي لاتتركنـا سامح ابوي
مالي احد غيركم لاتتركنـااا
ومن خلفها صرخـه تردد صداها
ريــــم .. اطلعي .. ماهو عمك .. مالك بها الدنيـا احد غيري أنـا
تررد الملاك رفعت الراس وضمت كف ابوي وقبلتـها
ونطقت سامحني ومشت مترددهـ تطالعنــا بعيون كلها حيرهـ..
عمي قال: المقابله انتهت وانا وقتي مايسمح..
بعد 8 سـاعات كنـا في بيتنــا وبوسط الرياض
ابوي اخذ الصمت له عنوان
وانا احترمت صمتـه..
قال ابوي.. هذا عمك مهمـا صار
قلت يبه .. الشي اللي مضى اكيد قوي وخطيـر
عمـي ماهو ناسيـــه وعايش معه لوقته الحـاضـر
قال: امك المرحومـه هي الي عمك ماهو ناسيهـا..
فهمت قصــدهـ من دون مايتكلم اكثــــر .. ابوي تزوج من امـي
والعم كان يريدهـا قبل..
قصـه ولا في الخيـــاال..
مرت سنـــه وانا طيف ريم ودمعها مافارق خيـالي ثواني
اصبحت بأحلامـي وواقعــي تتبعنــــي..
كأني مافارقتها يوم ,, ياما حلمت ورسمت ايام عمري معاها
لبستـهـا ثوب العروسـه ووقفت معها يديني تحضن كفوفهـا
جبت الولد من ريم .. وسميته
كانت كل حياتي بعد اللي صار ...ريم
اعترفت لنفسي اني حبيت هالملاك ..
وفي ليله من الليـالي
ودعنــي الغالي
دفنته وبكيت حالي من دونه
واعتزلت العالم من بعدهـ
سجنت نفسي..
ونسيت دنيتي واشغالي..
ومــر اسبوع من وفاته
وانا داخل اسواري
دق جوالي .. قمت متثاقل اشوفـه
رقم غريب .. يالله ازعـاج هالعالم
رميته .. سمعت النغمـه من ثاني
قلت مالك الا ترد
ولو كان غلطـان ولا لعاب ياويله..
الو ومن معي
هلا محمد
كان اللي يتكلم بنت ..
وصوتها كان خيالي..
قلت ؛ نعم من انتي ..
قالت ماعرفتني اكيد
قلت اكيــــد من ؟؟
أنــــا ريــــــــــم
رددت اسمها بصدري وقلبي الف مره
سمعت بصوتها انكســــــــار وحزن
وهي تردد,, لاتقول نسيتني
قلت,, ماعاش من ينسـاك
عظم الله اجرك واعذرني على التـأخير..
قلت عاذرك والله يجزاك كل خيـر
محمد انت تعبان.♥♥♥,؟؟
قلت لا .. لكن مانمت الا ساعات
قالت اتركك تنــــام وترتاح فمان الله
ريم..
هلااا
لاتتركيني.. ومن التعب ماحسيت بروحـي
نمت وكأني من دهر مجافيني النوم
ماصحيت الا على نغمـة الجوال
رديت عليه .. وقلت نعم
سمعت صوتها .. وهي تردد خوفتني عليك
يومين وانا احاول اخذ اخبـارك
اخذت واعطيت معها بالكلام
وتكررت المكـالمـات بيني وبينهااا
ضمتني فيــهـا ريم بحب وحنـان
عوضتني عن سنين حرمـاني
اصبحت تعرف .. وقت نومـي وقت مايدخل الزاد جوفـي
اصبحت حيـــاة محمدريم .. وحيـاة ريم محمــد ..
وفي يوم اعترفت لهـا بحبي المكتـــوم ..
ريم النفس ضاقت من الأنتظـار
والقلب تعب مثل الجســـد وهو يحـاول يصبر ويجـاهد الروح .
سمعت همسـها وهي تنطق محمد يادفا قلبي وضمـاهـ اسمعك ..؟
ريـم أنــا احبـــك ..
احب صدى صوتك وضحتك
اشتـاق لك ..
ريم علمتيني معنــى العشـق ..
من سنه مرت .. من اول ماشفتك ..
ابتدت اول ايام عمـــري..
محمــــد .. قلت لبيك أنـــا ..
احبــــك ..
آآآهـ واخيـــرا ياقلبي . ترجم حروف الغــلا
وانثر الورد على جبل الوفـــــــــا
وغـــرد مع الطير
وسابق الــــريح واعــزف الحــــــــان الشـوق ..
تصالح مع امواج البحر
وتغنى مع شمس الأصيل
وانسى كل الهموم
واذكــــر كلمة احبك يوم غادرت من شفاه ريوومـــه
وسكنت منــزلـــك ودارك ..
ريم أنــــــا اوعدك اني لك حيـــاة وممـــات .. اوعدك ..
أنـــا بكــره مســافر ..
سمعت شهقـه من صدرهـا الحنون .. وين ناوي تتركني ..؟؟
قلت مسـافر للخبـــر .. ابي احقق الحلم
واترجمـه للواقـــع ..
أنــــــــا جاي اخطبك من عمــــــــي ..
ردت علي .. خايفه خايفه .. كل شي ينتهي ..
قلت انا وعدتك اني لك حياة وممات ومايفرقني عنك غيــر موتي ..
ودعتهـا وجهزت نفســـي للسـفر..
ماقدرت اصبر قررت اني للخبـــر اسري .. بليلي
ومرت الســاعات وانا في البـــهو الوسيــــــــــع
دخل عمـــي .. وهو يطـــالعني بنظرات غريبه
وقال .. انت ..
أيـه أنــا محمد ولد اخوك .. المدفون تحت تربته ..
ماعندي اخـــو .. كم مره أنـا كررتها ... وان مات الله يرحمــه
في البدايـه لمحت بعيونه نظرهـ حزينه ..لكن تراجعت وحلت مكانها نظره بلا معنى
حسيت انه في لحظـه تأثر ..
عمـــــــي أنــا ابيك في طلب ..؟؟
قول .. اللي عندك .. وقتي انا ثمين .
ناقصك مال .. سياره جديده .. بيت .. وظيفه
قول انا احب اتصدق واعمـل الخيـر..
بعد كلامـه تمنيت اني اصرخ بوجهه واقول
إنسان بلا مشـاعر .. جبل من القسـوه والجمود ..
أنــا بخيــر ونعمــه ومانقصني شي ..
طالع فيني بإستغراب .. اجل طلبك وش يكون ؟؟
قلت ريــــم .. هذا هو طلبي ...
ابي اتزوجهـــا بعد اذنك ياعم ..
شفت بعيونه استحقـار العالم كله .. ومن تكون لجل تطلب ريـم ..
جرحنـــي .. ذلني .. هزأني .. وفي النهايـــه طردني ..
رجعت للريـاض كيف وشلون .. مدري ..
وجوالي طول الطريق تتردد نغمـاته ..
آآآه ياريم .. انكتب علي اعيش بدونك ..
دخلت البيت .. وانا منهار .. ضايع بين عبراتي .. وبحور آلامـــي
استمريت على هالحــال .. يومين يمكن اسبوع او شهــر ..
وصلتني رســـالــه من ريم ..
وين الوعــد ياخاين العهود ..
انا بدونك دنيـاي بلا مرسـى وامـل ..
بداخلي قلت وانا اتنهد
يابعد دنيـاي كيف قسيت عليك أنــا ..
دقيت على جوالهـــا
ردت علي وهي تبكـــي .. وتردد وينك عني ؟؟
محمد ليه تجافيني .♥♥♥, وين الوعد ؟؟
بكيت معها واختلط دمعــي بدمعها .. ريم احرموني منك
ابعدوني عنك .. ريم ذبحوا قلبي .. وحفروا قبري بيديهم ..
آآهـ ياريم أبكي ولا أكـتـم بـصــدري آهــاتــي ..
أشكي ولا أعـالج شـكــواي بصمــتـي..
انـا هـويــتــك والــشـاهـــد خــالــقــي ..
لكن .. حكم علينـــا ابوك بحكمـه الظالم ..
لكن انا عند الوعـــــد ياربيع القلب
ماتركك لو تنهد جبــالي .. لو أن السمـــاء تقبل الأرض ..
حاولنــا ننسى همنـــا الكبيـــر واعيش معها مثل اول ..
اعيش على صوتهـــا .. وحبـها ..
حاولت مع عمـي وكررت محاولاتي
وارسلت من يتوسط لي عند السيد العظيم
لكن كان جدار .. مايهتـــز .. وعنيد مثل الصخــر
تنـاسينـا هالأبو الظالم .. ورجعنـا نعيش حيـاتنــا
وفي يوم .. كلمتني ريم ونوحـها يسابق كلامهـــا
ريم .. يانور العين وشفيك ..
أنـا يامحمد ربي استجـاب لدعاي
ريم وش تقولين .. عمــي وافق يزوجنـي لك؟؟
لااا يامحمد .. انت تعرفه مستحيـل يغير رايـه
اجـل ريم القلب .. وش الشي الجديد
قالت اليوم هو عندي العيــــد
ريم: محمد تمــاسك واسمع الخبـــر
كنت اليوم بالمستشفى اصلح تحـاليل ..
من تعب كنت اشكيه من ايام
وطلعت النتيجـه ..



. [/c]

[c].


..أنـا يامحمد ...
ريم انطقـــي .. تكلمي .. يكفيني مافيني
أنـا مريضـه بالسرطان .. والطبيب المداوي يقول
حالتي صعبه ووصلت للشي الحرج ..
جمود .. وصمت وذهول كسـا ملامحــي .. حسيت بعمري كبر100سنه
وانا احاول اسمعها صوتي ..
واللي قاهرني تردد وتقول ربي استجاب لدعاي
يامحمد لاتحزن .. افرح .. هذا اللشي اللي انا ابيه واتمنـاه
محمد دنيـاي من غيرك مابيهــا الموت اهون علي ولا اعيش مع إنسان غيرك ..
انا ابكـي وابكـي ودمعي فاضحني ..
وشوي اسمع عند ريم صوت ثاني .. صوت مصدوم وماهو مصدق .. كأنه صوت الجبل والعم الظالم .. سمعي مايخونني صوته يبكــي ..
قفلت الخط .. وجلست في مكاني وانا اتذكر كلمات ريم .. افرح يامحمد ولاتحزن ..
غبيــه كيف افرح وهي من حيــاتي تروح
كيف الهنــــا والسـعادهـ اعرف دربهــا وهي بعيده عني
ياكثر الأهات اللي بقلبي تلوع ..
والهموم اللي بصدري تنوح ..
بعد أيـام وصلني خبـر سفـــر ريم للخــارج لجــل العلاج مع العم المبجـل الكريم
انا انتظر .. وانتظر والأنتظار يحرق قلبي ويحرق مافيني من حيـاة ..
فكــرت اجمـع كل ماملكـه واسـافر لعمــري وحيـاتي هنـاك .. اقضي معها ايام العلاج ..
وكبـرت الفكـره في راسي ... وفعلا .. ماكملت غير شهـــر الا وانـــا هنــــاك عند ريم
حلمـــي الأول والأخيـــر
وقفت عند باب غرفتها .. ترددت كان ودي ادخل بكـل لهفه وشوق ,, واضمها وابكـي بأحضـانهــا ,,
لكن خفت من العم ,, يحاسب طهر الكون ..
طرقت الباب .. انفتح باب الغرفه .. وطل منه وجه عمـــي .. وزادهـ الهم فوق عمره عشرات السنين .. وشفته منكسـر .. وحالته عجيبــه ..
شفته والدمـع بعيوني كاتم على انفاسي .. عيوني ترجته اشوف ريم .. من دون ماتنطق شفاي ..
قال تفضــل ياولدي.. ماكنت مصدق .. لكن المهم وافق ..
دخلت لملاكــي .. وانا اجر خطواتي .. هنــاك على السرير الأبيض .. ترقد
اماني عمـــري ..والتعب انهكــهــا وبانت ملامحـه عليها ..
ضميت يدهــا .. بيدي وكررت الوعد والعهد على سمعها ..
ورفعت راسي لعمــي .. وقلتها زوجنـــي ريم .. طلبتك ياعم ؟؟
هز براســــــــه وقال .. اللي تبيه ياولدي يمشــي ..
تبسمت ريم بوهن .. وتبسمت لهـا .. وحسيت بأول افراح حيــاتي
تم كل شي بسرعـة البرق .. تزوجتها ..وهي على فراش المرض .. احتفلت بيوم عيدي معها باالمستشفـى الكبيـــر,,
الممرضـات والأطبـاء الأجـانب .. سمحنـا لهم يحتفلون معانـا .. الجميـع هنــــــاك يحب ريم ..
بقيت معها وانا اصبرهـا على المرض واحلم انا وهي في بيتنـــا .. في سعادتنـــا
وقت ماتطــلع .. عشت اجمـل ثواني عمري ..
اصبح المستشـفى الكبيــر يردد حب محمد وريم .
وفي منتصف ليله من الليالي .. وانا بجنب ريم سهــران ..
سمعتها تصرخ بصــراخ عالـــي ,,
وهي تتقلب على فراش المرض ,,,من الألم
انينهـــا قطـع قلبي .. وروحـي
طلعت من الغرفه مثل المجنون انادي على الدكتور .. الممرضات
الكل من حولي يركض ويدخل للغرفه وصراخ ريم يتردد صداهـ بأذنــي
جلست ابكـي في زوايـه مثل طفل صغيـــر .. فقد امـه بظلمـة الليل ..
وشوي شوي اسمع صراخـها يهدى .. رفعت راسي والطبيب يطـالع في عيوني
ويقول .. ادخـل لريم تحتـاجك ..
دخلت وانا كلي تعب .. منهك ..قواي منهاره ..
وقفت جنبـها والأطبـاء حولي .. تبسمت في وجهـــي
وقالت تعال ياحبي ..
وقفت .. لاتبكـي امسح دموعك .. قلت مابكــي أنــا .. ارتـاحـي يابعد عمري
ريم .. محمد تدري ندمت ياربيع القلب على دعواي ورجواي..
ماكنت ادري اني بضمك ويتحقق حلمــي ومنـــأي
قاطعتها .. ريــــم لاتكلمين .. نامــي وانا جنبك بسـامر الليل لراحتك
قالت ريم ,, محمد أنـــا اشوف الموت .. اشوفه ينـــاديني
شهقت ..يومي وعمري قبلك .. انتي بتطلعين
نسيتي حلمنااا .. بنعيش بالبيت وراح نجيب ولد ونسميـه مشـاري
مثل ماتمنين .. بعيش معك العمــر كله ,, ريم ريم
محمد أنـــا احبك ,, وانتبه لنفســك وعيش دنيـــاك بلا ريم لكن
لاتنســـــــــى ذكـراي ,,
سمعتها تنطق بالشهــاده وترددهــا .. وبعدهااا انفاســها ماسمعتهاااا
حركتها هدت .. يدهـا من يدي انسحبت بسلام وسكنت بجوارهـا
صرخت صرخــه الجريح المحروم .. ريـــــــــم وناديت .. وناديت
لكن حكم القــدر اخذ مني روحــــــــــي ..
رددت الوعد
ريم انالك حياة وممات ..
وهذاا أنــــــــــا عايش اداوي بعدي وحرمــاني عن ريم ...




..ريـــــــــم القـــلـــب
ريم كـان روحـك تسمــع صوتــي وشــكــواي
...............بعــالي الصـوت أنــادي احتــاجــك يـا الحنــون
تمنــيــت اني معـــك والقــبــــر هو مــثـــواي
.................ولاعشــت بزمـن الغـدر وبوســط عالم مجنون
الحيــاة بوســط هاالعالم هي آخـــر رجــــواي
...............لــيـــة اعــيــش دام الوفـــا فيـــه مــــدفـــون
تخيلي يـــا ريــم أصبح الــدمـــع هو ســلـــواي
.............. تخيلي من دمعــي تغـــار السحـايب والـمزون
تهت بوســـط الدمــع والآهات وضيعت ممشــأي
.............اصبحت الدنيــا بعيني يـاريم القلب هموم وسجـون
يـــا الله يـارحمن يــاســـامــع ومـجــيـب دعــــواي
...............إغـفــــر وارحم برحمتـــك ريـــــــم طهـــر الكـــون


..

هذي أول محاولـــــــــــــة لنثـر قصـــــــــة بسحـــــــــر الغرام .♥♥♥,
هالقصـــــــــــه ممكن يكون أحد منكم قراهـاا من رواد المنتديات الأخرى ,,
لأنه سبق ونشــــــــــــرتها .. بمنتدى آخـر غيـر سحـر الغرام , , وطبعـا الأكيـــــــد أنها اصبحت متناقله بين العديد من المنتديـات ,,
لكن كلي امل انكم في هاللحظــــــــــــه أول مرهـ تقرونها ,,
كتبتها بيدي .. بالطبع ..و انتظـــــــــر رأيكم .. واتمنى ان تعجبكم محاولتي المتواضعـــــــــــه ...
.
.
تحي1111111111111111تي
ريمــــــــــــــوهـ
.
.
.[/c]

السلام عليكم و رحمة الله وبركاته:)

الله عليج يا ريووومه صدق
انها قصة حلوة جدا و معبرة
و انا قريتها من قبل في غير منتدى .
و لو اعرف انه انتي لباركت لج على الكتابة الحلوة .
و لنا الشرف ان تكون حكومتنا الرشيدة
على قولة عمدتنا
بكاتبة مثلج عزيزتي .
و اتمنى ان اقرا المزيد و المزيد من كتاباتكي المؤثرة .
و اتمنى لكي التوفيق من قلبي .

و تقبلي اخلص تحياتي و جزيل شكري
اختكي حمامة:)

ماذا عساي ان اقول عن هذه القصه الرومانسيه الجميله فقد ابحرت ببحر من العذوبه والرومانسيه ولكن بالنهايه غرقت بنهايه قاسيه مؤلمه قطعت قلبي و اسكبت انهار دموع من مقلتي وتمنيت لو كانت نهايتها سعيده

محاوله اكثر من ممتازه في كتابة القصه , بالتوفيق اختي ريومه ومن حسن الى احسن وافضل في سماء كتابة القصص الخياليه الرائعه

اختك في الله
همس الاثير

مساء الخير ....


عجاااااااااااااااااااااااايب كل ها الدنيا عجااااااااايب دموع و حزن ومفارق حبايب ....


عزيزتي ريم ... يمكن اني ما اقدر اوصل شي بداخلي لعظمت ما خطته اناملك ..

قصه من اروع القصص الي مرت على مسامعي ....

بصراحه ظاع ترتيب كلامي ..

تلخبطت حروفي ....

مذهله ...

هذه القصه ...

مذهله انتي بما تخطين ....


سجلي اعجابي بما شاركتي به عزيزتي .....


تحياااااااااااااااااااتي ..
مــــــــــــــــــــــــــــوادع ....

يالها من قصه حزينه ,,

قصه تدل على الحب الحقيقي ,,

قصه تدل على التضحيه ,,

محمد وريم ,,

جمعهما الحب ,,

رغم معرفتهما بأن القدر لن يربطهما ببعض ,,

لكن الحب جعلهما يرتبطان ,,

ريم نجد ,,

بالفعل قصه بقمة الرووعه ,,

سطرتها اناملك الراائعه ,,

ريم نجد ,,

عند قرااائتي وقبل معرفتي بأنك انتي من سطرها ,,

كنت اظن بأنها حقيقيه ,,

لاعدمناك عزيزتي الغاليه ريم ,,

وأنا بإنتظار المزيد ,,

وتقبلي خا111لص تحي111تي ,,

[c]
مساء العشق.. مساء النبض.... مسا ء البوح
،؛،؛,, عــزيزتي ريــ نـجــد ــم ,,؛،؛،
نعم إنها قصة رائعه تشرفت بقراءتها عند تصفحي إحدى المنتديات ..
مااروع تلك الكلمات التي خطتها اناملك
فهي كاالعقد الماسي الذي يعجز عن صناعته
الالأآآآت...
بل يحتاج الى يد راقيه شفافه
تنظمه بحرص
كما هي كلماتك
ولك مني باقة زهور جورية معطرة بالحب و مغلفة بشريطة الود



*
[/c]

[c]

السلام عليكم ورحمة من الله وبركاته .


**أعلنوا الحداد**

أحملوا نعش حبي على أكتافكم ، زينوه بالورود ، وأرقصوا أمامه ، وامدحوا خصائله ، فقد مات حبي شاباً في ربيع عمره .

احملوا نعش حبي على أكتافكم ، ولا تبكوه ، فالدموع أرخص من أن تكون ثمن حياته ، ولا تحفروا له قبراً في أرضكم ، بل أحرقوا جثته واصنعوا من رمادها تعاويذ يحملها عشاق الدنيا .

احملوا نعش حبي على أكتافكم ودعو الحزن يمزق نفوسكم ، دعو الحزن يشل أحاسيسكم ، فقد ماتت التي ملأت مدينتكم جمالاً ، ومات الحب الذي كان مثال العواطف الحقيقة .

مات حبي الكبير فجأة ، لم يسجنوه ولم يعذبوه طويلاً ، ولم يحاكمه قاض ، ولا دافع عنه محام ، إنما أعلنوا حكم الإعدام عليه بلحظة ، لم يحققوا أمانيه إلا لاحقاً ، ولم تشفع له الوساطات ، بل كان الحكم عرفياً لا يقبل الإستئناف .

احملوا نعش حبي واحزنوا .

ماتت التي أضاءت أحلامكم ، وفقدت مدينتكم أحلى مافيها ، فقدت غيوم الحنان التي غلفتها طويلاً ، وفقدت السعادة التي كانت تبتسم في زواياها .......وفقدت الحياة التي فجرها حبي الكبير .

مات حبي ....لا لم يمت ، بل سيدفن حياً ولن تدفنوه ، احرقوا جثته ووزعوا رمادها على العاشقين ليتباركوا بها ، اعلنوا الحداد في المدينة إلى الأبد ، وتوشحوا بالسواد حتى نهاية العالم .

إقفلوا نوافذ بيوتكم ، فلن يمر حبي تحتها بعد اليوم ، واهملوا حدائقكم فالورد لن ينبت فيها بعد اليوم ، وأقتلوا كل من يدعي أنه يستطيع أن يحيي حبي من جديد ، وأن يعيد السعادة إلى مدينتكم ، فحبي أعدموه وتركوه ينزف كل حنانه ، وأحرقوه .............. لكنه لم يمت إلا في قلوبكم .

==================

الكاتبة القديرة

** ريم نجد**

أقف إحتراماً وتقديراً لما سطرته أناملك الذهبية ولما نسجتي من روعة .

قصة رائعة كروعة كا تبتها .

قصة محملة بالمشاعر وبالحب .و.............. بالألم .

قصة نبحر من خلالها في زورق الحب متمنين أن لا نصل إلى مرسى .

قصة حملت جميع مقومات القصة الناجحة .

قصة سردت بأسلوب سلس ورائع مروراً باللقاء فالحب فالزواج فالفراق والألم .

قصة نسجت بإبداع وبرقة وختمت بقصيدة رائعة .

قصة من أجمل ما قرأت في عالم المنتديات وعالم النت .

قصة يتفق عليها الجميع على أنها من أجمل ما قرأوا طيلة حياتهم .


وتقبلي أيتها الكاتبة جل إحترامي وتقديري .

دمتي مبدعة .

دمتي بخير.


{ينقل لأفضل عشرة مواضيع .}




[/c]